ໄທມີແຜນຈະດຳເນີນການເຈລະຈາການຄ້າເສລີກັບສະຫະພາບເອີຣົບ
ສຳນັກຂ່າວຊິນຮວາ ແຈ້ງໃຫ້ຮູ້ໂດຍອິງຕາມລາຍງານຈາກເວັບໄຊທ໌ແຫຼ່ງຂ່າວໜຶ່ງ ຂອງລັດຖະບານໄທໃຫ້ຮູ້ເມື່ອບໍດົນນີ້ວ່າ, ລັດຖະບານໄທໄດ້ອະນຸມັດ
ຂໍ້ສະເໜີຂອງກະຊວງການຄ້າໄທ, ທີ່ມີເນື້ອໃນຂໍ້ສະເໜີກ່ຽວກັບການຟື້ນຟູ ແລະ ການສ້າງຕັ້ງສັນຍາການຄ້າເສລີກັບສະຫະພາບເອີຣົບອີກເທື່ອຫນຶ່ງ ເນື່ອງ ຈາກວ່າ ອີຢູ ເປັນໜຶ່ງໃນຂົງເຂດເສດຖະກິດຂະຫນາດໃຫຍ່ທີ່ສຳຄັນຂອງໄທ. ລັດຖະບານໄທເຫັນວ່າວຽກງານດັ່ງກ່າວເປັນວຽກສຳຄັນທີ່ຄວນຮີບດ່ວນ
ເຮັດໃຫ້ສຳເລັດ ເພາະຈະມີຜົນດີຕໍ່ການຊຸກຍູ້ຜົນປະໂຫຍດລວມຂອງໄທ, ເພີ່ມໂອກາດດ້ານການຄ້າ ແລະ ການລົງທຶນໃຫ້ແກ່ປະເທດ. ສະຫະພາບເອີລົບ
ແມ່ນຄູ່ຮ່ວມມືທາງດ້ານການຄ້າໃຫຍ່ອັນດັບ 4 ຂອງໄທ, ເຊິ່ງໃນປະຈຸບັນ ສິນຄ້າທີ່ໄທສົ່ງອອກໄປຍັງສະຫະພາບເອີລົບລວມມີ ເຄື່ອງອຸປະກອນຄອມພິວ
ເຕີ, ເຄື່ອງປັບອາກາດ, ຜະລິດຕະພັນປະເພດ ເຄື່ອງຢາງ ແລະ ອາຫານ. ນອກນັ້ນ, ໄທຍັງມີການນຳເຂົ້າຜະລິດຕະພັນອື່ນໆຈາກສະຫະພາບເອີຣົບເຊັ່ນກັນ,
ເຊິ່ງໂດຍທົ່ວໄປແມ່ນຊິ້ນສວ່ນເຄື່ອງຈັກ, ຢາປົວພະຍາດ ແລະ ຜະລິດຕະພັນອື່ນໆອີກຈຳ ນວນຫຼາຍ.
ແຫຼ່ງທີ່ມາ: ໜັງສືພິມກອງທັບ
ວັນທີ 20/02/2023